რუსეთის პრეზიდენტის ვლადიმირ პუტინის რეიტინგი ახალგაზრდებში მკვეთრად ეცემა. ასეთია კვლევის შედეგები, რომელიც ავტორიტეტულმა კვლევითმა ორგანიზაცია "ლევადამ" გამოაქვეყნა.
"ლევადა" ცენტრის ინფორმაციით, 2021 წლის იანვარში პუტინის რეიტინგმა, მისი მმართველობის განმავლობაში ყველაზე დაბალ ნიშნულს მიაღწია.
ბოლო გამოკითხვების თანახმად, 18-24 წლამდე ახალგაზრდების 46% არ იწონებს პრეზიდენტის საქმიანობას. 2020 წლის იანვარში ამ ასაკობრივ კატეგორიაში მყოფთა 30%-ს არ მოსწონდა პუტინის საქმიანობა.
გამოკითხული ახალგაზრდების მხოლოდ 51% იწონებს პრეზიდენტის საქმიანობას, მაშინ როდესაც ეს მაჩვენებელი ერთი წლის წინ 69% იყო.
აღსანიშნავია, რომ 2018 წელს პუტინის მოღვაწეობას დადებითად აფასებდა ახალგაზრდების 80%.
გარდა ამისა, პუტინის საერთო რეიტინგიც დაეცა. 2019 წელს პრეზიდენტის საქმიანობას დადებითად გამოკითხულთა საერთო რაოდენობის 68% აფასებდა, წელს ეს მაჩვენებელი 64%-მდე შემცირდა.
"ლევადა" ცენტრის ინფორმაციით, პუტინის ამჟამინდელი რეიტინტი დაახლოებით იმავე დონეზეა, როგორც 2011-2013 წლებში, როდესაც რუსეთში მასობრივი საპროტესტო აქციები ტარდებოდა სამართლიანი არჩევნების მოთხოვნით და პუტინის პრეზიდენტად ხელახალი არჩევის წინააღმდეგ.
