100 წლის ბრიტანელ ვეტერანს, კაპიტან ტომ მურს, რომელმაც გასულ წელს ჯანდაცვის მუშაკებისთვის მილიონობით ფუნტი მოაგროვა, კორონავირუსი დაუდასტურდა
მისი ქალიშვილის ინფორმაციით, ტომ მურს პნევმონია აქვს და საავადმყოფოში გადაიყვანეს.
ბრიტანელი პოლიტიკოსები 100 წლის ვეტერანს სწრაფ გამოჯანმრთელებას უსურვებენ.
კაპიტანმა მურმა სახელი იმით გაითქვა, რომ კორონავირუსის პანდემიის წინააღმდეგ მებრძოლი ჯანდაცვის სფეროში მომუშავე ადამიანებისთვის 33 მილიონი გირვანქა სტერლინგი მოაგროვა, როდესაც მან ამ მიზნით კამპანია წამოიწყო და 100-ჯერ შემოუარა თავის საცხოვრებელ სახლს გადაადგილების დამხმარე აღჭურვილობით.
გასულ წელს, ბრიტანეთის დედოფალმა, ელისაბედ მეორემ ტომ მური რაინდად აკურთხა.
