შეერთებული შტატების სენატის უმრავლესობის ლიდერმა, ჩაკ შუმერმა განაცხადა, რომ წარმომადგენელთა პალატა აშშ-ის 45-ე პრეზიდენტის დონალდ ტრამპის იმპიჩმენტის მუხლს სენატს ორშაბათს გადაუგზავნის.
წარმომადგენელა პალატის მიერ იმპიჩენტის მუხლის გადაგზავნით სენატში დაიწყება იმპიჩმენტის პროცესის განხილვა.
შუმერის განცხადებით, სენატი სწრაფად დაიწყებს საკითხის განხილვას.
მანამდე ცნობილი გახდა, რომ სენატის რესპუბლიკელთა ლიდერმა, მიჩ მაკკონელმა იმპიჩმენტის საქმეზე მოსმენების გადადება ითხოვა.
მისი თქმით, როგორც სენატი, ასევე პრეზიდენტის ინსტიტუტი და თავად ტრამპიც იმსახურებენ "სრულ და პატიოსან პროცესს".
"რესპუბლიკელებს მიაჩნიათ, რომ ძლიერი პოლიტიკური ვნებების დროს დაუშვებელია პროცესის ნაჩქარევად ჩატარება", - დასძინა მაკკონელიმ.
იმ შემთხვევაში თუ სენატიც დაამტკიცებს ტრამპის იმპიჩმენტს, მას მომავალში სამთავრობო თანამდებობის დაკავება აეკრძალება.
დონალდ ტრამპს წარმომადგენელთა პალატამ იმპიჩმენტი 14 იანვარს გამოუცხადა.