აჭარის მთავრობის თავმჯდომარის, თორნიკე რიჟვაძის ხელმძღვანელობით კორონა ვირუსთან დაკავშირებით შექმნილი ოპერატიული შტაბის სხდომა გაიმართა.
სხდომაზე აჭარაში დღეისთვის არსებული ეპიდემიოლოგიური ვითარება განიხილეს. მოქმედი შეზღუდვების შედეგად, შეინიშნება ვირუსით ინფიცირების შემთხვევების სტაბილიზაცია და დადებითი ტენდენცია.
გასული 24 საათის განმავლობაში აჭარაში გამოჯანმრთელდა 119 პაციენტი. ჯამში, გამოჯანმრთელდა 33 629 პაციენტი. დადასტურდა კორონავირუსით ინფიცირების 13 ახალი შემთხვევა.
მნიშვნელოვან რეკომენდაციად რჩება სოციალური დისტანციის დაცვა და პირბადის ტარება.
დღეს პრემიერ მინისტრის ხელმძღვანელობით გამართულ უწყებათაშორისი საკოორდინაციო საბჭოს სხდომაზე შეზღუდვების ეტაპობრივად მოხსნის შესახებ იმსჯელეს. აღინიშნა, რომ შეზღუდვის მოხსნა უნდა ეფუძნებოდეს არსებული ეპიდემიოლოგიური ვითარების მკაცრ მონიტორინგს, რათა არსებული სტაბილიზაციის შემდეგ, ინფიცირების მაჩვენებლები კვლავ მნიშვნელოვნად არ გაიზარდოს.