ევროპული საქართველოს ერთ-ერთი ლიდერი, გიგი წერეთელი, ბიძინა ივანიშვილის პოლიტიკიდან წასვლას ეხმაურება.
წერეთლის თქმით, იმ რთულ ვითარებაში, რაც დღეს ქვეყანაშია, ხელისუფლების რეალური პირველი პირის ოფიციალური განდგომა, როგორც მოსახლეობის დიდ ნაწილში, ისე ქართული ოცნების მხარდამჭერებშიც, აღიქმება როგორც პასუხისმგებლობის თავიდან არიდებად და მოსალოდნელი მარცხის ნიშნად.
წერეთელმა აღნიშნა, რომ ივანიშვილის ეს ნაბიჯი კიდევ უფრო შეამცირებს მმართველი პარტიის მხარდაჭერას და გაზრდის ოპოზიციურ ელექტორატს, რაც ივანიშვილის გუნდისთვის , ამგვარი კონფიგურაციისა და მართვის პირობებში, ხელისუფლებიდან წასვლას დააჩქარებს.
„ივანიშვილი კარგად აცნობიერებს, რომ ხელისუფლების ცვლილება გარდაუვალია, ამიტომაც ფორმალურად დისტანცირებას პარტიისა და პოლიტიკური აქტივობისგან. პრაგმატულად არჩია ახლა გაეკეთებინა ეს ნაბიჯი, და არა მაშინ , როდესაც მისი პარტია დამარცხდება და მისი პირადი რისკებიც გაიზრდება. მისი ქონების გადაალაგების ძალიან დაჩქარებული პროცესიც ამის ინდიკატორია.
ამ რთულ ვითარებაში, რაც დღეს საქართველოშია, ეკონომიკურად, პანდემიის , პოლიტიკური პოლარიზაციის და დემოკრატიული უკუსვლის გათვალისწინებით, ხელისუფლების რეალური პირველი პირის ოფიციალური განდგომა, პასუხიმგებლობის თავიდან არიდებად და მოსალოდნელი მარცხის ნიშნად ჩათვლის მოსახლეობის დიდი ნაწილი, მათ შორის ოცნების მხარდამჭერებიც, ვისთვისაც სწორედ ივანიშვილი იყო ხელისუფლების სიმყარის გარანტი.
ეს ნაბიჯი კიდევ უფრო შეამცირებს მმართველი პარტიის მხარდაჭერას და გაზრდის ოპოზიციურ ელექტორატს.
ფაქტია, რომ არაფორმალურ მართვას ის განაგრძობს და პარტიის ახალი პოლიტსაბჭოს შემადგენლობაც ამაზე მეტყველებს, თუმცა ეს ვითარება მაინც ძალიან განსხვავებული იქნება ფსიქოლოგიურადაც და პრაქტიკულადაც. მითუმეტეს, სიღარიბის ზრდისა და ერთპარტიული პარლამენტის პირობებში შიდა და საგარეო ზეწოლა მნიშვნელოვნად მოიმატებს, რაც ივანიშვილის გუნდისთვის , ამგვარი კონფიგურაციისა და მართვის პირობებში, ხელისუფლებიდან წასვლას დააჩქარებს.“ - აცხადებს წერეთელი.