სამცხე-ჯავახეთის ახალ მაგისტრალზე გზის სამშენებლო-სარეაბილიტაციო სამუშაო უახლოეს მომავალში დასრულდება. სამშენებლო სამუშაო საქართველოს რეგიონული განვითარებისა და ინფრასტრუქტურის მინისტრმა რამაზ ნიკოლაიშვილმა მოინახულა.
მან გასვლითი თათბირი ჩაატარა და აღნიშნულ გზაზე სამუშაოს შემსრულებელი კონტრაქტორი კომპანიების ხელმძღვანელებს საბოლოო მითითებები მისცა.
წალკა-ნინოწმინდა-ახალქალაქის 230-კილომეტრიან მაგისტრალზე, 23 ხელოვნური ნაგებობის, მათ შორის 15 ხიდისა და 8 მილ-ხიდის მშენებლობა მიმდინარეობს. მოეწყო სანიაღვრე სისტემები, დამონტაჟდა წყალგამტარი მილები, გზის სავალ ნაწილზე კი ასფალტ-ბეტონის საფარი იგება.
პროექტზე 2000-მდე ადამიანია დასქამებული, რომელთა დიდი ნაწილიც ადგილობრივი მოსახლეობაა.
პროექტის დასრულების შემდეგ თბილისიდან ახალქალაქამდე მგზავრობის ხანგრძლივობა 3 საათამდე შემცირდება.
