"ვისოლი" 27 ოქტომბერს და 31 ოქტომბერს ტორპედო ქუთაისის სამტრედიასთან და ზუგდიდის "ბაისთან" დაგეგმილ მატჩზე გულშემატკივართათვის წამახალისებელ აქციას გეგმავს. ქუთაისში მდებარე "ვისოლის" ნებისმიერ ავტოგასამართ სადგურზე ნებისმიერი ტიპის 20 ლიტრი საწვავის შესყიდვის შემთხვევაში მომხმარებელს საჩუქრად გადაეცემა ტორპედო ქუთაისის სამტრედიასთან და ზუგდიდის "ბაისთან" დაგეგმილ მატჩზე დასასწრები ერთი ბილეთი. აქცია 25 ოქტომბრიდან 31 ოქტომბრის 17:00 საათამდე გაგრძელდება.
''როგორც ქუთაისელი მძღოლებისათვის არის ცნობილი, "ვისოლს" ოთხი ავტოგასამართი სადგური აქვს ქალაქ ქუთაისში. "ვისოლის" საწვავი განსაკუთრებული ხარისხის გამო მძღოლებში დიდი პოპულარობით სარგებლობს ისევე, როგორც დიდი პოპულარობით სარგებლობს ფეხბურთი. გვინდა გულშემატკივრებს საჩუქარი გავუკეთოთ და ისინი ჩვენი კომპანიის ერთგულებისათვის დავაჯილდოვოთ", აცხადებს "ვისოლის" მარკეტინგის დირექტორი თორნიკე გურული.
ანალოგიური წამახალისებელი აქცია "ვისოლმა:" 17 ოქტომბერს "ტორპედო ქუთაისის" ზესტაფონთან გამართული მატჩისათვის მოაწყო, რომელმაც წარმატებით ჩაიარა. გულშემატკივართა წასახალისებლად ვისოლი მომავალშიც გეგმავს მსგავსი აქციების გამართვას.
ტორპედო ქუთაისზე მზრუნველობა ვისოლმა დაახლოებით სამი თვის წინ დაიწყო. გუნდის ახალმა მფლობელმა ლეგენდარულ საფეხბურთო კლუბ ‘'ტორპედო ქუთაისს", უპირველეს ყოვლისა, ისტორიული სახელი დაუბრუნა და მისი განვითარებისათვის ყოველწლიურად 2 მილიონამდე ლარის ინვესტიციას გეგმავს.