ბათუმის საკრებულომ ბათუმის ტერიტორიაზე ავტომანქანების პარკირების მარეგულირებელი ნორმების - ავტომანქანების პარკირების ადგილების განსაზღვრისა და ავტომანქანების პარკირების წესების შესახებ დადგენილება მიიღო.
საკრებულომ განსაზღვრა პარკირების საერთო წესები და ბათუმის მერიას დაავალა 2010 წლის 31 დეკემბრამდე ბათუმის ტერიტორიაზე პარკირების საერთო ადგილები, ასევე პარკირების სპეციალური ადგილების განსაზღვრისთვის წინადადებები შეიმუშაოს. უახლოეს მომავალში განისაზღვრება პარკირების პაკეტის ღირებულებაც.
იმავდროულად, აჭარის უმაღლესმა საბჟომ "საქართველოს ადმინისტრაციულ სამართალდარღვევათა კოდექსში" შესატან ცვლილებებზე დაიწყო მსჯელობა.
კანონმდებლების მიხედვით, პარკირების წესის დარღვევის შემთხვევაში მძღოლს ჯარიმის სახით 20 ლარის გადახდა დაეკისრება.
აღსანიშნავია, რომ აღნიშნული საკანონმდებლო პაკეტი სხვა სახის ჯარიმებსაც ითვალისწინებს. კერძოდ ქუჩის დამნაგვიანებელს 50 ლარის, კატერებისა და სკუტერებით მოძრავ პირს და მფლობელს უსაფრთხოების ნორმების დარღვევს 500 ლარის გადახდა მოუწევს. სკვერებსა სხვა თავშეყრის ადგილებში ძაღლის დაკბენის ფაქტის გამო მეპატრონეს სანქციის სახით 100 ლარს გადაიხდის, კვადროციკლით და სხვა მსგავსი საშუალებებით მოძრაობის წესის დამრღვევი 50 ლარს.
ავტოსადგომის უნებართვოდ გამოყენებისთვის ჯარიმა 100 ლარს ითვალისწინებს. საკითხის დაჩქარებული წესით განიხილვის მიზანს ინიციატივის საქართველოს პარლამენტში დროულად წარდგენა და მომავლი სეზონისთვის მზადყოფნა წარმოადგენს.