დღეიდან, სოფელ პერევში გამნაღმველები დაიწყებენ მუშაობას. ქართველი სამართალდამცველები ეჭვობენ, რომ, შესაძლოა, რუსმა ოკუპანტებმა პერევში ნაღმები დატოვეს.
ამ დროისთვის, სოფელ პერევში არც ერთი რუსი ოკუპანტი აღარ იმყოფება. სოფელს მთლიანად ქართული პოლიცია აკონტროლებს.
რუსმა მესაზღვრეებმა პოსტი გუშინ დატოვეს - აიღეს საგუშაგო პოსტები და შლაგბაუმები. ოკუპანტები ჯავის რაიონის სოფელ ქერძმუნში გადავიდნენ.
ქართველ პოლიციელებთან ერთად პერევში სადამკვირვებლო ჯგუფებიც იმყოფებიან. ევროკავშირის სადამკვირვებლო ჯგუფი პერევიდან რუსი ოკუპანტების გასვლასთან დაკავშირებით დღის მეორე ნახევარში საგანგებო განცხადებას გაავრცელებს.
შეგახსენებთ, რომ რუსი ოკუპანტების საგუშაგოების გაუქმება და მათი წასვლა სოფელ პერევიდან 14 ოქტომბერს, ჟენევის მოლაპარაკების მე-13 რაუნდზე გადაწყდა.