გაზაფხულზე, გლეხებისთვის სასუქებითა და საწვავით დახმარების პროგრამა გაგრძელდება - ამის შესახებ საქართველოს პრეზიდენტმა მიხეილ სააკაშვილმა ყვარელში ფერმერებთან და აგრონომებთან შეხვედრისას განაცხადა.
მისი თქმით, საწვავის ფასები მსოფლიო ბაზარზე იმატებს და როცა კრიზისული სიტუაცია იქნება მთავრობა ამ საკითხში ჩაერევა.
"ჩვენ რთველს და ციტრუსების მოსავლის აღებას შარშანაც და წელსაც, ცოტა არ იყოს როგორც სამხედრო კამპანიას ისე მივუდექით. ამიტომ ჩათვალეთ, რომ თქვენ ხართ სოფლის მეურნების ოფიცერთა კორპუსი, სწავლული აგრონომები, რომლებმაც უნდა შემოიტანოთ თანამედროვე ტექნოლოგიები იმ სფეროებში, რომლებიც ყველაზე მეტად გვაინტერესებს, ეს არის ადამინების ეკონომიკური წარმატება, საქართველოს წინვლა", - განაცხადა სააკაშვილმა.
მისი თქმით, სამი-ოთხი წლის განმავლობაში საქართველოს შეუძლია გააორმაგოს სოფლის მეურნების სუფსიდია ეროვნული პროდუქტის წარმოებაში, რაც რამდენიმე პროცენტიან ზრდას გამოიწვევს შიდა ეკონომიკურ მაჩვენებელში.
