18 ოქტომბერს საქართველოს ეკონომიკისა და მდგრადი განვითარების სამინისტროში გრძელვადიანი ტყითსარგებლობისთვის (ლიცენზიის მოქმედების ვადა: 10 წელი) ხე-ტყის დამზადების სპეციალური ლიცენზიის გაცემის მიზნით აუქციონი გაიმართა, სადაც ორი ობიექტიდან მხოლოდ ერთის გასხვისება მოხერხდა.
სამინისტროს ინფორმაციით, აუქციონზე გამოტანილი იყო ორი ლოტი. მათ შორის შიდა ქართლის რეგიონში, გორის სატყეო უბანში 20,21,26,27 კვარტლები, მთლიანი ფართობი 829 ჰა. ობიექტის საწყისი ღირებულება 88 000 ლარი იყო, თუმცა აღნიშნულ ლოტზე განაცხადი არ შემოვიდა.
სამაგიეროდ გასხვისდა, შიდა ქართლის რეგიონში, ქარელის სატყეო უბანში 567 ჰა. ფართობი, რომლის საწყისი ფასი 80 000 ლარის შეადგენდა. ლიცენზია 88 000 ლარად ფიზიკურმა პირმა შეიძინა.
