საცალო ქსლეში საწვავის ფასები 3-დან 5 თეთრამდე გაიზარდა. კომპანია "ვისოლის" ბენზინგასამართ სადგურებში ყველა ტიპის საწვავზე, გარდა "დიზელ ენერჯისა" ფასები 5 თეთრით გაიზარდა.
დღეისათვის "ვისოლში" "აპი სუპერის" ფასი 2.05 ლარს შეადგენს, "აპი პრემიუმის" ფასი კი 2 ლარით, "ევრო რეგულარის" - 1.90 ლარით, "აპი დიზელის" ფასი კი 2.05 ლარით განისაზღვრა. "დიზელ ენერჯის" ფასი კი უცვლელად, 1.85 ლარი დარჩა.
საწვავის ფასები გაიზარდა ასევე "ლუკოილის: ქსელშიც. კომპანიის ინფორმაციით, "ლუკოილის" ქსელში "ევრო სუპერი" 2.05 ლარი ღირს.
კომპანიის ბენზინგასამართ სადგურებში 3 თეთრით მოიმატა ფასმა "ევრო დიზელზე" და 1.97 ლარის ნაცვლად, უკვე 2.00 ლარი ღირს, ასევე 2.00 ლარით განისაზღვრა "პრემიუმის" ფასიც.