ტექნიკის მწარმოებელი, ცნობილი ბელორუსული კომპანია "მოგილევლიფტმაში" საქართველოში შემოდის და ოპერირებას ბათუმში იწყებს.
როგორც სააგენტო "ჯი-ეიჩ-ენისათვის" გახდა ცნობილი, "მოგილევლიფტმაში" ბათუმის კომუნალური სექტორის 400 კომუნალურ შენობაში არსებული 1200 ლიფტის დემონტაჟსა და ახალი ლიფტებით უზრუნველყოფს.
"მაგილევლიფტმაში" მზადაა ასევე კომერციული ბინათმშენებლობის სექტორისათვის სპეციალური ლიფტები დამზადოს და და დაამონტაჟოს. კომპანიის საიტზე განთავსებული ინფორმაციით თანახმად, "მაგილევლიფტმაშის" ლიფტების ფასი 78 ათასი ლარიდან 198 ათას ლარამდეა.
როგორც აჭარის დელეგაციის ბელორუსში ვიზიტისას გახდა ცნობილი, კომპანია საქართველოში, კერძოდ, ბათუმში თავის წარმომადგენელს დანიშნავს, რაც ხელს შეუწყობს ტექნიკური საკითხების შესწავლას, სათანადო კვალიფიკაციის სპეციალისტების მომზადებას და სხვა გრძელვადიანი პროგრამების განხორციელებას.
ბათუმის მერიასა და კომპანია "მოგილევლიფტმაშის" შორის შეთანხმება ბათუმში კომპანიის ხელმძღვანელის ვიზიტის დროს, გაფორმდება, რომელიც ოქტომბრის ბოლომდე იგეგმება.
