მინსკი მზადაა საქართველოში სავაჭრო სახლი დააფუძნოს, სადაც ბელორუსში წარმოებული პროდუქცია გამოიფინება და დაინტერესებულ პირებს ბელორუსში დამზადებულ პროდუქციაზე დეტალური ინფორმაცია მიეწოდება.
აჭარის დელეგაციის ბელორუსში ვიზიტისას, მხარეებს შორის მიღწეულა წინასწარი შეთანხმება ამ მიმართულებით შესაბამისი ინფორმაციის გაცვლისა და შემდგომში ბელარუსის მხარის სამუშაო ჯგუფის ბათუმში ვიზიტის თაობაზე.
შეხვედრაზე განხილულ იქნა ასევე ბელარუსიდან სასოფლო სამეურნეო ტექნიკის, მარცვლეულისა და კართოფილის სათესლე ჯიშების შერჩევისა და აჭარაში მიწოდების საკითხები, აგრეთვე, საქართველოში სასათბურე მეურნეობის ორგანიზების საკითხში ბელარუსის გამოცდილების გაზიარებისა და მონაწილეობის შესაძლო ფორმების განსაზღვრის შესაძლებლობა.
იმავდროულად, ქართული მხარის დაინტერესების შემთხვევაში ბელარუსის მრეწველობის სამინისტრო გამოთქვამს მზადყოფნას ბელარუსის შესაბამისი წარმოებების მიერ საავტომობილო და სხვა ტექნიკის აწყობის შესახებ, რომლის ტექნიკურ მონაცემებში სრულად იქნება გათვალისწინებული საქართველოს გეოგრაფიული და კლიმატური პირობები.