რუსთავში, ჯართს მიმღებ პუნქტში აფეთქება მოხდა. როგორც იუწყებიან, აფეთქდა ჟანგბადის ბალონი, რომელსაც ერთი ადამიანის სიცოცხლე ემსხვერპლა.
გავრცელებული ინფორმაციით, გარდაცვლილი ამავე პუნქტში მუშაობდა. ის კლინიკაში მიყვანამდე გარდაიცვალა.
ამოძიება დაწყებულია 240-ე მუხლის მეორე ნაწილით, რომელიც გულისხმობს სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას, რამაც ადამიანის სიცოცხლის მოსპობა ან სხვა მძიმე შედეგი გამოიწვია.