ბათუმის ბულვარში დაჭრილი 17 წლის ბიჭის ჯანმრთელობის მდგომარეობა მძიმეა. იუწყება აჭარის საზოგადოებრივი მაუწყებელი.
მაუწყებლის ინფორმაციით, ახალგაზრდა სასწრაფო სამედიცინო დახმარების ბრიგადამ კლინიკა "მედცენტრში" გადაიყვანა.
როგორც სამედიცინო დაწესებულება აცხადებს, სასწრაფო სამედიცინო დახმარების ბრიგადამ 17 წლის ახალგაზრდა კაცი, 21:55 საათზე მუცლის წინა კედლის შემავალი ღია ჭრილობით კლინიკაში შეიყვანა.
მათივე თქმით, პაციენტის მდგომარეობა მძიმეა. მას, ამ დროისთვის ოპერაცია უტარდება.