10 ნოემბერს სასტუმრო "აჭარის" ყოფილ შენობაში ახალი სასტუმრო "Holiday Inn" გაიხსნება. "Holiday Inn"-ის სამშენებლო პროცესი დღეს საქართველოს პრეზიდენტმა მიხეილ სააკაშვილმა და თბილისის მერმა გიგი უგულავამ მოინახულეს.
როგორც პრეზიდენტმა სააკაშვილმა სასტუმროს პერსონალთან შეხვედრის დროს აღნიშნა, მთავარი პრობლემა არის ის, რომ მომდევნო 6-7 წელი ქვეყანაში შემოსულების რაოდენობა მკვეთრად გაუსწრებს სასტუმროების ადგილებს.
"რამდენი ახალი სასტუმროც არ უნდა გავხსნათ, მაინც ვერ დაეწევა ჩამოსულთა რაოდენობას, მაგრამ საფრთხე ის არის, რომ ეს ზრდის ფასებს. ჩამოსულებისთვის, მით უმეტეს ზაფხულში, ადგილები არ არის და ისეთი ფასებია სასტუმროებში, რომ ჩვეულებრივი ადამიანებისთვის ხელმისაწვდომი არ არის. არის ხალხი, ვინც ორიენტირებულია იმაზე, რომ მაქსიმალურად წაჰგლიჯოს და ცოტა ხალხი ჰყავდეს, მაგრამ არის ხალხი, ვინც ცდილობს მაქსიმალურად შეავსოს და დაბალი ფასი ჰქონდეს. ეს კი კარგია", - აღნიშნა სააკაშვილმა.
პრეზიდენტმა გაიხსნება პერიოდი, როდესაც ყოფილ სასტუმრო "აჭარაში" დევნილები ცხოვრობდნენ და დასძინა, რომ გარდა იმისა, რომ ხალხი უმძიმეს მდგომარეობაში იყო, შენება ანტისანიტარიის, დანაშაულისა და სხვა უკანონო ქმედების კერა იყო.
"ცივილიზაციის აქ შემოსვლა და დაბრუნება ფსიქოლოგიურად ძალიან მნიშვნელოვანია. ჩემს ბავშობაში აფხაზეთის ომის ყველაზე დიდი მსხვერპლი იყო ეს და სასტუმრო "ივერია", ამიტომ ამის აღორძინება, ისევე როგორც მოხდა "ივერიასთან" დაკავშირებით, ჩვენთვის მნიშვნელოვანია", - აღნიშნა პრეზიდენტმა.
სასტუმრო "Holiday Inn" ოთხვარსკვლავიანი და მასში მთლიანად ქართული ინვესტიცია, 28 მილიონი დოლარი ჩაიდო. ახალი სასტუმროში 252 ნომერი, კაფეები, რესტორნები და გასართობი ცენტრებია განთავსებული. დასაქმდება150 ადამიანი.
"Holiday Inn-ის მშენებლობაზე 250 ადამიანი იყო დასაქმებული.