აზერბაიჯანის საგარეო საქმეთა მინისტრი ელმარ მამედიაროვი მარნეულში გამგზავრებასა და ქვემო ქართლში მცხოვრებ აზერბაიჯანულ დიასპორასთან შეხვედრას გეგმავს.
დღესვე დაგეგმილია აზერბაიჯანელი დიპლომატის შეხვედრა საქართველოს პრეზიდენტთან მიხეილ სააკაშვილთან და პრემიერ-მინისტრ ნიკა გილაურთან.
მინისტრი თბილისს დღეს 20:00 საათზე დატოვებს.
შეგახსენებთ, რომ აზერბაიჯანის სს მინისტრი მეუღლესთან ერთად საქართველოს გუშინ ეწვია.
ვიზიტის პირველ დღეს მან სიღნაღი, ბოდბის წმინდა ნინოს სახელობის მონასტერი და სხვა კულტურული და ისტორიული ძეგლები მოინახულა. დღის მეორე ნახევარში კი სვეტიცხოვლობის დღესასწაულთან დაკავშირებით გამართულ კონცერტს დაესწრო.
