ნატოს თავდაცვისა და საგარეო საქმეთა მინისტრები ბრიუსელში, ლისაბონის მომავალი სამიტისათვის მოსამზადებლად, შეიკრიბნენ. მათ იმედი გამოთქვეს, რომ ახალი სტრატეგიული კონცეფციის დამტკიცებას შეძლებენ.
შეხვედრაზე ავღანეთის სამშვიდობო ოპერაციასა და ევროპაში რაკეტსაწინააღმდეგო სისტემის განთავსებაზეც იმსჯელეს.
ნატოს გენერალურმა მდივანმა ანდრეს ფოგ რასმუსენმა იმედი გამოთქვა, რომ ნოემბრის სამიტს რუსეთის წარმომადგენლებიც დაესწრებიან.
მინისტრებმა ასევე განაცხადეს, რომ მზად არიან ხელი შეუწყონ ავღანეთის თალიბებთან მოლაპარაკებების დაწყებას.
