ცხინვალის რეგიონში ინციდენტების პრევენციისა და მათზე რეაგირების სამუშაო ჯგუფი მუშაობას განაახლებს. ეს შეთანხმება ჟენევის საერთაშორისო მოლაპარაკებათა 13-ე რაუნდზე იქნა მიღწეული.
ცხინვალის რაიონის მიმართებაში ინციდენტების პრევენციისა და მათზე რეაგირების სამუშაო ჯგუფის შეხვედრა უკვე თითქმის ერთი წელია არ გამართულა. თავის დროზე აღნიშნული შეხვედრების ჩაშლის ინიციატორი ოსი სეპარატისტები იყვნენ, რომლებმაც განაცხადეს, რომ ერგნეთში გამართული შეხვედრები მათთვის უშედეგო იყო.
აღნიშნული შეხვედრები ოთხმხრივი და მათში საქართველოს, რუსეთის, ევროკავშირის წარმომადგენლები და ოსი სეპარატისტები მონაწილეობენ.
აღსანიშნავია, რომ ჟენევის საერთაშორისო მოლაპარაკებათა მორიგი რაუნდი 2010 წლის 16 დეკემბერს გაიმართება.
მასალის გამოყენების პირობები
