ჩვენი გზა მოდერნიზაციისა და სრულყოფილებისკენ გადის განათლებაზე, _ განაცხადა საქართველოს პრეზიდენტმა მიხეილ სააკაშვილმა მცხეთაში სვეტიცხოვლობის დღესასწაულთან დაკავშირებით გამართულ კონცერტზე სიტყვით გამოსვლისას. მისი თქმით, მოდერნიზაცია არ მიიღწევა მხოლოდ ეკონომიკის და ინფრასტრუქტურის განვითარებით. "მთავრი ბერკეტი წინსვლის მისაღწევად არის ჩვენი საზოგადოება და მისის ინტელექტუალური პოტენციალი. აქაც გვასწავლის მცხეთა გაკვეთის და ეს გაკვეთილი მდგომარეობს იმაში, რომ ჩვენს პატარა ერს გააჩნია დიდი ეროვნული ნიჭი დიდი ტალანტი, დიდი შემოქმედებითი გენია, რომლითაც ასე ვამაყობთ".
"გენია, რომელიც ვერაფერმა ვერ ჩაკლა, რომელიც ყოველთვის ქმნიდა უფრო უკეთეს, ყოველთვის ილტვოდა სრულყოფილებისკენ, ამიტომ ახლა ჩვენი გზა მოდერნიზაციასა და სრულყოფილებისკენ გადის განათელბაზე, ამიტომ ჩვენ ვახორციელებთ ახალ პროგრამებს, რომელიც მიზანად ისახავს ბავშვების კომპიუტერიზაციას დაწყებით კლასებიდან. ჩამოგვყვას ინგლისურენოვანი მასწავლებლები, რათა ჩვენი ბავშვები დაწებითი კლასებიდანვე ეზიარონ კომუნიკაციის ენას, რომ მათ გაეხსნათ საშუალებები, რომ ჩამოყალიბდნენ მსოფლიო საზოგადეობის ისეთი წევრებად, რომლებიც იქნებიან კონკურენტუნარიანები და არავისზე ექნებათ განათლება, რომ მიაღწიონ წარმატებას 21-ე საუკუნის მსოფლიოში", _ განაცხადა პრეზიდენტმა და ორი დღის წინ ერთ-ერთ სკოლაში ვიზიტი გაიხსენა და აღნიშნა, რომ ბავშვები ხეჭეჭურის ნერგებს გვანან, რომელსაც თუ ხელს შევუწყობთ გავა რამდენიმე წელიწადი და ვიდრე პირველი მოსავალი იქნება.
"მე ვიყავი ორი დღის წინ ერთ-ერთ სკოლაში და ვუყურებდი ამ ბავშვებს და ვფიქრობდი, რომ ეს ყველაფერი გავს ხეჭეჭურის ნერგებს. ხეჭეჭური არის ძალიან ძნელად გახარებადი ხე და ძალიან დიდი დრო უნდა. გავა რამდენიმე წელიწადი ვიდრე შედეგს მივიღებთ, ვიდრე პირველი მოსავალი იქნება, მაგრამ თუ დავრგავთ, მოუვლით, ხელებს არ ჩამოუშვებთ. ეს ნერგები ნაყოფს აუცილებლად გამოისხავს", _ განაცხადა პრეზიდენტმა.
შეგახსენებთ, რომ დღეს სვეტიცხოვლის ტაძრის დაარსებიდან 1700 და განახლებიდან 1000 წლისთავი აღინიშნება. საქართველოს აღნიშნულთან დაკავშირებით კათოლიკოს-პატრიარქმა საზეიმო წირვა-ლოცვა აღავლინა, რომელსაც სხვადასხვა ქვეყნის, მათ შორის, რუსეთის მართლმადიდებლური ეკლესიების დელეგაციები დაესწრო.
