პირველი და მთავრი გაკავეთილი, რასაც ეს ქალაქი გვასწვალის არის გამძელობა, შეუპოვრობა და დამარცხებისადმი შეურიგებლობა, _ განაცხადა საქართველოს პრეზიდენტმა მიხეილ სააკაშვილმა მცხეთაში სვეტიცხოვლობის დღესასწაულთან დაკავშირებით გამართულ კონცერტზე სიტყვით გამოსვლისას. მან მცხეთის ისტორიულ მნიშვნელობაზე ისაუბრა და აღნიშნა, რომ მცხეთის კედლებში საქართველოს მრავლწლოვანი ისტორიაა.
"ამ ქალაქში დაირწა საქართველოს სახელმწიფოებრიობის აკვანი. ამ ქალქში გაიარა ნგრევის და უბედურების ყველა ქარიშხალმა, რაც ჩვენ ქვეყნის ისტორიამ მრავალჯერადად დაატეხა თავს. აქ არ არის გოჯი მიწა, რომელიც ჩვენი წინაპრების სიხლით არ არის გაჟღენთილი, რომლებიც ხშირად სრულიად უიმედოდ უთანასწორო ბრძოლაში ეცემოდნენ. მაგრამ ბოლო ამოსუნთქვამდე იცავდნენ ქალაქს. ქალაქში, რომელშიც საქართველოს გული ფეთქავდა და ფეთქავს", _ აღნიშნა პრეზიდენტმა. მისივე თქმით, ენით აღუწერელია ის ტკივილი, რომელიც ამ ქალაქს გადაუტანია თავის არსებობის ათასწლეულების მანძილზე.
"ჩვენი წარმოდგენის შესაძლებლობეს სცდება იმის წამოადგენა, თუ რამდენი ცრემლი და ჭრილობა უნახავს აქაურობას. მაგრამ როდესაც დღევანდელ მცხეთას უყურებ, როდესაც ხედავ სვეტიცხოვლის დიდიებულ ტაძარს, ჯვრის მონასტერს, მცხეთის აკროპოლისს, პომპეუსის ხიდის ნანგრევებს, აცნონიერებ, რომ პირველი და მთავრი გაკავეთილი, რასაც ეს ქალაქი გვასწვალის არის გამძელობა შეუპოვრობა და დამარცხებისადმი შეურიგებლობა, უნრი გადალახო ყოველგვარი გაჭირვება და მაინც წელში გასწორდე, ფეხი დაგიცდეს და მაინც წამოდგე, მტერმა გაგამწარა? არ დაიკვნესო და არ აჩვენო მას შენი ზურგი", _ განაცხადა პრეზიდენტმა.
შეგახსენებთ, რომ დღეს სვეტიცხოვლის ტაძრის დაარსებიდან 1700 და განახლებიდან 1000 წლისთავი აღინიშნება. საქართველოს აღნიშნულთან დაკავშირებით კათოლიკოს-პატრიარქმა საზეიმო წირვა-ლოცვა აღავლინა, რომელსაც სხვადასხვა ქვეყნის, მათ შორის, რუსეთის მართლმადიდებლური ეკლესიების დელეგაციები დაესწრო.
