3 მლნ ლარის ღირებულების ახალი საინვესტიციო პროექტი ბათუმში. ბათუმში სამშენებლო მასალების ახალი მეგაცენტრი გაიხსნა. პროექტით 3 მლნ ლარის ინვესტიცია განხორციელდა.
კომპანია „ნოვას“ თანამედროვე სტანდარტების კონცეფციის ობიექტის მომზადებაში EBRD-ის წარმომადგენლები მონაწილეობდნენ. ახალ მეგაცენტრში 120 მოქალაქე დასაქმდა.
საკუთარი საწარმოო ხაზისა და ექსკლუზიური იმპორტის საშუალებით კომპანია 35 000 სახეობის სამშენებლო პროდუქტს აწვდის მომხმარებელს.
ახალი ობიექტი აჭარის ფინანსთა და ეკონომიკის მინისტრმა ჯაბა ფუტკარაძემ, „ნოვას“ სამეთვალყურეო საბჭოს თავმჯდომარესთან ზვიად აბულაძესთან ერთად გახსნა.
