საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია ტურიზმის ინდუსტრიის წარმომადგენლებისათვის ტრენინგების სერიას იწყებს.
როგორც ადმინისტრაციაში განმარტავენ, ტრენინგების I ეტაპი (ონლაინ ტრენინგები) 3 ივნისიდან 12 ივნისის ჩათვლით გაიმართება და მისი მთავარი თემა იქნება: "როგორ დავნერგოთ Covid-19-თან დაკავშირებული ზოგადი რეკომენდაციები კვების ობიექტებში".
ტრენინგზე დეტალურად იქნება ასევე განხილული:
პრევენციული ღონისძიებები/ სოციალური დისტანცია
უსაფრთხოების დაცვის საშუალებები
სტუმრის მომსახურების წესები
ღია და დახურული კვებისა და სასმელების სივრცეების ოპერირება
დასუფთავება/დალაგების წესები
ტრენინგი ორგანიზებულია ტურიზმის ეროვნული ადმინისტრაციის მიერ და დასწრება უფასოა.
რეგისტრაციისათვის კი დაუკავშირდით ტურიზმის ეროვნულ ადმინისტრაციას: a.aroshidze@gnta.ge