დღეს, 14 ოქტომბერს, უნიქარდი პარტნიორ კომპანიებთან ერთად მომხარებელს სხვადასხვა წამახალისებელ აქციას სთავაზობს.

როგორც "ჯი-ეიჩ-ენს" კომპანიის პრესსამსახურიდან აცნობეს, 14 ოქტომბრიდან "უნიქარდი", "ჯორდანოს" მაღაზიათა ქსელთან ერთად, საშემოდგომო აქციას იწყებს.
აქცია თვის ბოლომდე გაგრძელდება.

ამ ხნის განმავლობაში "ჯორდანოს" ყველა მაღაზიაში მომხმარებელი "უნიქარდისგან" გაზრდილ ქულებს მიიღებს - 10 ლარზე 3 ქულას. "უნიქარდის" მფლობელებს "ჯორდანოში" ექსკლუზიური, 20 პროცენტამდე ფასდაკლებით შეუძლიათ ისარგებლონ.

ამის გარდა, "უნიქარდის აქცია თქვენი უბნის მარკეტებში" კომპანიის პარტნიორ 70-ზე მეტ სუპერმარკეტში 10 ოქტომბერს უკვე დაიწყო და ერთი თვის განმავლობაში, 10 ნოემბრამდე გაგრძელდება. ამ პერიოდის განმავლობაში ყოველ ჯამურად დაგროვილ 5 ქულაზე უნიქარდის მფლობელები საჩუქრად მიიღებენ დამატებით 5 ქულას.

შეგახსენებთ, უნივერსალური დაგროვებითი ბარათი "უნიქარდი" ქართულ ბაზარზე 2010 წლის 7 აპრილს შემოვიდა. დღემდე გაცემულია 300 ათასზე მეტი ბარათი და "უნიქარდით" სარგებლობა 900-მდე ობიექტში არის შესაძლებელი.
"უნიქარდი" წარმოადგენს "უნივერსალ ქარდ ქორფორეიშენის" ბრენდს. ამ კომპანიის დამფუძნებლები ინგლისური საინვესტიციო ფონდი GML Capital -ის შვილობილი კომპანია Kazbeg Master Holding და საქართველოს მოქალაქეები არიან.
Capital არის მსხვილი საინვესტიციო ფონდი, რომელიც ახორციელებს სხვადასხვა ბიზნესპროექტის დაფინანსებას აღმოსავლეთ ევროპისა და კავკასიის რეგიონებში.