ევროპარლამენტის საგარეო საქმეთა ურთიერთობების კომიტეტის თავმჯდომარე დევიდ მაკკალისტერი მიესალმება საქართველოს პრეზიდენტის მიერ გიგი უგულავასა და ირაკლი ოქრუაშვილის შეწყალებას და აცხადებს, კიდევ ერთი პოლიტიკური პატიმარი, გიორგი რურუა კვლავ პატიმრობაში რჩება.
ამის შესახებ მაკკალისტერმა ევროპარლამენტის საგარეო საქმეთა კომიტეტის სხდომაზე განაცხადა, სადაც საქართველოს მიერ ევროკავშირთან გაფორმებული ასოცირების შეთანხმების შესრულებას განიხილავენ.
მივესალმები პოლიტიკური პატიმრების გათავისუფლებას. ეს რვა მარტის შეთანხმების შესრულების მნიშვნელოვანი ასპექტია. მივესალმები გიგი უგულავას გათავისუფლებას, პოლიპატიმრის, რომელიც მე თავად მოვინახულე თბილისში ყოფნისას ციხეში, მაგრამ კიდევ ერთი პოლიტპატიმარი, გიორგი რურუა რჩება აქამდე პატიმრობაში",-განაცხადა დევიდ მაკკალისტერმა.
15 მაისს, საქართველოს პრეზიდენტმა სალომე ზურაბიშვილმა თბილისის ყოფილი მერი გიგი უგულავა და თავდაცვის ყოფილი მინისტრი ირაკლი ოქრუაშვილი შეიწყალა.
გიორგი რურუას სასამართლო პროცესი 18 მაისს გაიმართა. მოსამართლემ დაცვის მხარის შუამდგომლობა, აღკვეთის ღონისძიების შეცვლის თაობაზე, არ დააკმაყოფილა და რურუა პატიმრობაში დატოვა.