თითოეული ფერმერი, რომელსა მიწა დარეგისტრირებული აქვს, 1 ჰექტარზე 200 ლარის სუბსიდიას მიიღებს. ამის შესახებ საქართველოს პრემიერ-მინისტრმა გიორგი გახარიამ სოფლის მეურნეობის ანტიკრიზისული გეგმის პრეზენტაციაზე განაცხადა.
"მნიშვნელოვანია, რომ აგრარული პროცესი არც ერთი დღით არ გაჩერდეს. ქვეყანაში დაუმუშავებელი მიწა არ უნდა დარჩეს. ამ მიზნით, მთავრობამ შეიმუშავა კონკრეტული გეგმა ფერმერთა დასახმარებლად.
თითოეული ფერმერი, რომელსაც მიწა აქვს დარეგისტრირებული, ერთ ჰექტარზე დახმარების სახით, 200 ლარის სუბსიდიას მიიღებს. ეს ნიშნავს, რომ საშუალო დონის და მსხვილი საფერმერო მეურნეობები, რომლებსაც, მაგალითად, 10 ჰა მიწა გააჩნიათ, მიიღებენ დახმარების სახით სახელმწიფოსგან 2000 ლარის ოდენობით. ეს, რა თქმა უნდა, გადანაწილდება პროპორციულად მათზე, ვისაც ნაკლები ფართობი მიწა აქვს", - თქვა გახარიამ.
