COVID-19-ის პანდემიის ფონზე თურქეთი იახტ ტურიზმზე მოთხოვნის ზრდას ელოდება. აღნიშნულის შესახებ განცხადება სტამბოლის, მარმარილოს, ეგეოსის, ხმელთაშუა ზღვის, შავი ზღვის რეგიონების (IMEAK) სავაჭრო პალატის წარმომადგენელმა იუსუფ ოზთურქმა გააკეთა.
ოზთურქის გამოთქვა მოსაზრება, რომ პანდემიის შემდეგ პერიოდში, მასობრივი ტურიზმი პოპულარობას დაკარგავს და ხალხი ინდივიდუალური ტიპის დასვენებაზე გადაერთვება.
IMEAK– ის წარმომადგეlის განმარტებით, საზღვაო ტურიზმზე თურქეთის ტურიზმიდან მიღებული შემოსავლის მეხუთედი მოდის.
”ჩვენ ვაკვირდებით ბუტიკურ სასტუმროებზე მოთხოვნის სერიოზულ ზრდას, საიახტო ბიზნესს, Blue Voyage-ს (გემების მოგზაურობები). ვფიქრობთ, რომ მალე ეგეოსისა და ხმელთაშუა ზღვების გასწვრივ საექსკურსიო ტურები გაცოცხლდება. ეს კი შესაძლოა ქვეყნის შემოსავლის მნიშვნელოვანი ზრდის წყაროც გახდეს , ”- თქვა მან.
ოზთურქის თქმით, საიახტო ტურიზმი, გარკვეული შეზღუდვების დაწესებით, თურქეთში ოფიციალურად 1-ელ ივნისს იხსნება.
იმავე დროს, IMEAK–ის წარმომადგენელი აცხადებს, რომ COVID-19-ის პანდემიას საზღვაო ვაჭრობებზე უარყოფითი გავლენა აქვს და შესაბამისად ტვირთის არარსებობის გამო გემები ნავსადგურებში დგანან.