წარმოშობით ქართველმა თურქეთის მოქალაქემ აჭარის მოსახლეობას 50 ტონა მაკარონი გამოუგზავნა. იუწყება საზოგადოებრივი მაუწყებლის "აჭარის ტელევიზია".
მაუწყებლის ინფორმაციით, ტვირთი აჭარის სავაჭრო-სამრეწველო პალატამ მიიღო და სოფლის მეურნეობის სამინისტროს გადასცა. მაკარონი სხვა პროდუქტებთან ერთად მოსახლეობის შეჭირვებულ ჯგუფებს დაურიგდებათ.
როგორც აჭარის სავაჭრო-სამრეწველო პალატამ "აჭარის ტელევიზიას" განუცხადა, მაკარონის დეფიციტი საქართველოში კორონავირუსთან დაკავშირებით სურსათზე მოთხოვნილების გაზრდის გამო გაჩნდა.