ქართული ეკონომიკის ბურჯებო, ჩვენო ბიზნესმენებო, ყველაფერს ვაკეთებთ რომ თქვენ, მომზადებულები დახვდეთ ამ პერიოდს, - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის საკოორდინაციო საბჭოს მუშაობის დასრულების შემდეგ გამართულ ბრიფინგზე განაცხადა.
“მერწმუნეთ, ახალი პერიოდი მოდის ეხლა ზოგადად, გლობალურ ეკონომიკაში და საქართველოს ეკონომიკაში. ის ბიზნესი იქნება ყველაზე მეტად კონკურენტული, რომელიც იქნება ყველაზე მეტად უსაფრთხო, ის ბიზნესი იქნება ყველაზე მეტად მოთხოვნადი და ჩვენ ყველაფერს ვაკეთებთ რომ თქვენ, ქართული ეკონომიკის ბურჯებო, ჩვენო ბიზნესმენებო, დახვდეთ მომზადებულები ამ პერიოდს. სხვაგვარად ჩვენ ვერ ვიქნებით კონკურენტუნარიანები და როგორც სხვა ყველაფერში, მათ შორის ვირუსთან ბრძოლაშიც, რამდენიმე ნაბიჯით წინ ვუსწრებთ მსოფლიოს, ამაშიც გავუსწროთ წინ და ჩვენ ამაში დაგეხმარებით“, - თქვა თურნავამ.