👉 ინფორმაცია კომუნალური შეღავათების შესახებ:
⭕️ ელექტროენერგია 👉 აბონენტებს, რომლებიც თვეში მოიხმარენ 200 კილოვატამდე ელექტროენერგიას სახელმწიფო დაუფარავს გადასახადს. ასეთი აბონენტების რაოდენობა შეადგენს 1.2 მილიონს და თვეში საშუალოდ თანხა შეადგენს 17 მლნ ლარს.
⭕️ წყალმომარაგების და დასუფთავების გადასახადი დაიფარება, ასევე, იმ აბონენტებს, რომელთაც აქვთ 200 კილოვატ საათამდე ელექტროენერგიის მოხმარება.
🔶 მთავრობის გადაწყვეტილება სს “თელასის” შემთხვევაში შეეხებათ მოქალაქეებს, ვისი მარტის თვის გადასახადი მაქსიმუმ 37.11 ლარია; ხოლო, სს “ენერგო პრო ჯორჯიას” შემთხვევაში - მაქსიმუმ 36.4 ლარია.
⭕️ ბუნებრივი გაზი👉 აბონენტებს, რომლებით თვეში მოიხმარენ 200 კუბურ მეტრამდე ბუნებრივ გაზს ასევე, სახელმწიფო დაუფარავს გადასახადს. ასეთია 670 ათასამდე აბონენტი, თანხა კი შეადგენს მთლიანობაში 27 მლნ-მდე ლარს.
🔶 მთავრობის გადაწყვეტილება შპს “თბილისი ენერჯის” შემთხვევაში შეეხება აბონენტებს, რომელთა გადასახადი შეადგენს მაქსისმუმ 92.2 ლარს, შპს “სოკარ ჯორჯია გაზის” შემთხვევაში - მასიმუმ 113.8 ლარს, ხოლო სს “საქორგგაზის” შემთხვევაში - 113.9 ლარს.
👉 მოქალაქეებს, რომლებმაც წინასწარ გადაიხადეს მარტის თვის გადასახადი, ან ვისაც უკვე ჩამოეჭრა ავტომატურად თანხა, აღნიშნული თანხები დეპოზიტის სახით განთავსდება მათ სააბონენტო ბარათზე და შემდგომი გადახდების დროს შეძლებენ მის გამოყენებას.
❗️ვისაც საშუალება აქვს და სოციალური პასუხისმგებლობიდან გამომდინარე განაცხადებს უარს სახელმწიფო მხარდაჭერაზე, შეეძლება თავად გადაიხადოს კომუნალური გადასახადი, რითაც დაიზოგება საბიუჯეტო სახსრები. გვიკავშირდება ბევრი მოქალაქე, რომლებსაც კომუნალური მხარდაჭერის გამოყენება არ სურთ იმ მოტივით, რომ მათ აქვთ გადახდის შესაძლებლობა და სურთ, რომ გამოთავისუფლებული თანხები მიმართული იყოს სხვა საჭირო და აუცილებელი პროგრამებისკენ.
❗️მიმდინარეობს მუშაობს პლატფორმაზე, სადაც შესაძლებელი იქნება მოქალაქის მიერ კომუნალურ შეღავათზე უარის დაფიქსირება. უახლოეს პერიოდში დაინტერესებულ პირებს ეცნობებათ ამ საკითხის შესახებ სიახლეების თაობაზე.
👉აღნიშნული შეღავათები ვრცელდება მხოლოდ ფიზიკურ პირებზე. ის არ ვრცელდება საოჯახო სასტუმროებზე. ასევე, არ ვცელდება ძველ დავალიანებებზე.