რუსეთის პრეზიდენტი დიმიტრი მედვედევი ბელორუსის პრეზიდენტ ალექსანდრე ლუკაშენკოს ანტირუსული კამპანიის ნაცვლად ქვეყნის შიდა საქმეების მიხედვას ურჩევს.
კრემლის ვებ-გვერდზე გამოქვეყნებულ ვიდეოში, მედვედი ლუკაშენკოს მხრიდან კრიტიკას ბელორუსში მოახლოებულ არჩევნებს აბრალებს.
მედვედევი ასევე შეეხო აფხაზეთისა და სამხრეთ ოსეთის აღიარების თემასაც. მისი თქმით, ყველას კარგად ახსოვს, როგორ დადო ლუკაშენკომ პირობა მათი დამოუკიდებლობის აღიარებისა, თუმცა, ის ამ პირობას არღვევს.
შეგახსენებთ, რომ ალექსანდრე ლუკაშენკომ რუსული მედიის წარმომადგენლებთან შეხვედრისას, რუსეთის ქმედებები დაგმო. აფხაზეთსა და სამხრეთ ოსეთზე კი თქვა, რომ ეს ტერიტორიები დამოუკიდებლებად არა მარტო ბელორუსმა, არამედ მთელმა მსოფლიომ არ სცნო.
