საქართველოს საგარეო საქმეთა მინისტრის მოადგილე გიგა ბოკერია ნატოს გენერალური მდივანის ანდრეს ფოგ რასმუსენის საქართველოში ვიზიტს მნიშვნელოვან ფაქტად აფასებს.
როგორც ბოკერიამ რასმუსენის ჩამოსვლის შემდეგ თბილისის საერთაშორისო აეროპორტში განაცხადა, ოფიციალური შეხვედრები ხვალ დაიწყება და ყველა შეხვედრაზე ძირითადი აქცენტი საქართველოს ნატოში ინტეგრაციაზე გაკეთდება.
ნატოს გენერალური მდივანი ანდრეს ფოგ რასმუსენი თბილისშია. ჩრდილოატლანტიკური ალიანსის გენერალური მდივნის თვითმფრინავი თბილისის საერთაშორისო აეროპორტში 22:20 საათზე დაეშვა. თბილისის საერთაშორისო აეროპორტში მას სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში, ვიცე-პრემიერი გიორგი ბარამიძე, საგარეო საქმეტა მინისტრის მოადგილე გიგა ბოკერია და ნატოში საქართველოს მუდმივი წარმომადგენელი გეგა მგალობლიშვილი დახვდნენ.
ანდერს ფოგ რასმუსენისთვის ნატოს გენერალური მდივნის რანგში საქართველოში პირველი ვიზიტია. იგი დანიის პრემიერ-მინისტრის რანგში საქართველოს 2008 წლის აგვისტოს ომის დროს ჩამოვიდა.
ნატო-ს გენერალური მდივანი შეხვედრებს ხვალ, 1-ლი ოქტომბრიდან დაიწყებს და საგარეო საქმეთა სამინისტროს ესტუმრება. გრიგოლ ვაშაძესთან შეხვედრის შემდეგ, იგი თავდაცვის სამინისტროში გადაინაცვლებს, სადაც სიტყვით გამოსვლასაც გეგმავს.
შემდეგ შეხვედრებს პარლამენტის თავჯდომარესთან დავით ბაქრაძესთან და პრემიერ-მინისტრ ნიკა გილაურთან გამართავს. ამის შემდეგ, ანდერს ფოგ რასმუსენი, გიორგი ბარამიძესთან ერთად, ნატო-ს სამეკავშირეო ოფისს გახსნის.
ანდერს ფოგ რასმუსენი თბილისს ამავე დღეს დატოვებს.
