საქართველოს პრეზიდენტი მიხეილ სააკაშვილი ვაზიანი-გომბორი-თელავის გზას რამდენიმე დღეში გახსნის. ამის შესახებ პრეზიდენტმა სააკაშვილმა "ნაციონალური მოძრაობის" და მთავრობის წევრებთან შეხვედრის დროს განაცხადა.
"რამაზ ნიკოლეიშვილმა მითხრა, რომ გომბორის გზის მშენებლობა დასრულებულია, მაგრამ ხვალ ან ზეგ ჩავალ და ჩემი თვალით ვნახავ რა გაკეთდა", - აღნიშნა სააკაშვილმა.
როგორც ცნობილია, გომბორის გზის 55-კილომეტრიანი მონაკვეთის მშენებლობა საქართველოს ხელისუფლების და მსოფლიო ბანკის თანადაფინანსებით განხორცილდა. პროექტის ღირებულება 43 მილიონი ლარია.
