"საქართველოში უცხოურმა ინვესტიციებმა შემოსვლა დაიწყო. როდესაც ქობულეთში თავისუფალი ინდუსტრიული ზონა გამოვაცხადეთ, გააქტიურდა შიდა ბიზნესსექტორიც. უახლოესი დღეების განმავლობაში 30 სასტუმროს მშენებლობა დაიწყება. საგანგებოდ ვარჩევთ ამ სასტუმროებს ლევან ვარშალომიძესთან ერთად", _ აცხადებს საქართველოს პრეზიდენტი და აღნიშნავს, რომ საქართველოში იყო დრო როდესაც 3-4 წელში ერთი სასტუმრო თუ აშენდებოდა და ისიც დიდი მიღწევა იყო.

"უკვე არსებობს კონკრეტული ხალხი, კონკრეტული ინვესტორი, კონკრეტული ფულით, რაც სახელმწიფოს და კერძო სექტორის სწორ თანამშრომლობას ნიშნავს. 30 სასტუმრო ნიშნავს, რომ ეს არის ათასობით დასაქმებული ადამიანი", _ აცხადებს სააკაშვილი და დასძენს, რომ სასტუმროებთან ერთად, იწყება ახალი გზის მშენებლობა ბათუმიდან ქობულეთამდე, რომლის მეშვეობითაც ეს მანძილი 15 წუთში დაიფარება.

"წელს აჭარაში ტურისტების რაოდენობა შეიძლება მილიონამდეც ავიდეს. მთელი მსოფლიოს პრესამ ბათუმი ნიცას, ბარსელონასა და მაიამის შეადარა. ამას ემატება რეგიონალური ინფრასტრუქტურის განვითარება, ანაკლია, მესტია, რომელზე გაკეთებულ სიუჟეტში BBჩ-ს ჟურნალისტები ამბობდნენ, რომ ალპებს ბევრად სჯობს", _ აცხადებს სააკაშვილი.