მე ვაგრძელებ ქართული კინოს კეთებას - თუნდაც საფრანგეთში, _ აცხადებს ცნობილი ქართველი რეჟისორი ოთარ იოსელიანი.
"ქვეყანაში რომ 50 წელიწადს გაატარებ, აზროვნებას ვერ შეიცვლი. მადლობა უფალს, რომ კულტურის საერთო ენა, რომელიც არის ევროპასა და საფრანგეთში, აბსოლუტურად იგივეა, რაზედაც ჩვენ ვურთიერთობთ. შესაძლოა, სწორედ ესაა იუდოქრისტიანული კულტურის ენა, რომელშიც სიკეთისა და ბოროტების აღქმა დაახლოებით ერთმანეთს ემთხვევა. ტყულად როდი გადაიღო გია დანელიამ თავისი ცნობილი ფილმი "არ დაიდარდო" ფრანგული რომანის მიხედვით", _ აცხაებს იოსელიანი, თუმცა დასძენს, რომ საზოგადოების დიდი ნაწილი ჰოლივუდურ-საბჭოური გემოვნებითაა მოწამლული.
"მინდა გითხრათ, რომ პუბლიკა აქაც მოწამლულია ჰოლივუდურ-საბჭოური გემოვნებით, ადამიანები ყრუები არიან არცთუ შორეულ წარსულში არსებული თავიანთი მშვენიერი კინოსადმი. საფრანგეთში დღეს არავის აინტერესებს კულტურა, ახალგაზრდებმა კი წიგნების კითხვა მიატოვეს", _ აცხადებს იოსელიანი.
შეგახსენებთ, რომ ოთარ იოსელიანის ფილმი "შანტრაპა" ლონდონში, ქართული ფილმების ფესტივალზეა წარმოდგენილი.
