პარლამენტის ვიცე-სპიკერი პაატა დავითაია შიდა ქართლში ოკუპანტების მიერ საზღვრების გადმოწვას მცოცავ ანექსიას უწოდებს. ამის შესახებ პარლამენტის ვიცე-სპიკერმა, "ჩვენ თვითონის" ლიდერმა პაატა დავითაიამ დღეს გამართულ პრესკონფერენციაზე განაცხადა.
"ეს არის მცოცავი ანექსია და მე ვაპირებ ხვალ, ნატოს გენერალურ მდივანთან ანდრე ფოგ რასმუსენთან შეხვედრის დროს აღნიშნული საკითხი დავაყენო, ასევე 4 ოქტომბერს რუსეთის მიერ აღებული საერთაშორისო ვალდებულების იგნორირებას ევროპარლამენტის სესიაზეც დავაყენებ", - განაცხადა დავითაიამ.
მისივე შეფასებით, ოკუპანტების მიერ საზღვრების გადმოწევა რასმუსენის ვიზიტს უკავშირდება, რადგან მათ სურდათ ქართული მხარე პროვოკაციაზე წამოეგოთ.