მოსკოვის ექს-მერი იური ლუჟკოვი პოლიტიკაში რჩება, თუმცა პრეზიდენტობას ჯერ არ აპირებს.
ამის შესახებ ლუჟკოვმა "New Times" მიცემულ ინტერვიუში განაცხადა.
ლუჟკოვს ჟურნალისტი სამი საათის განმავლობაში ესაუბრა. ჟურნალის ვებ-გვერდზე მხოლოდ რამდენიმე ფრაზაა გამოქვეყნებული, სადაც ყოფილმა მერმა აღნიშნა, რომ ის პოლიტიკაში რჩება, მაგრამ "არ აპირებს საპრეზიდენტო არჩევნებზე საკუთარი კანდიდატურის დაყენებას".
ლუჟკოვმა ასევე აღნიშნა, რომ არ აპირებს მისი განთავისუფლება სასამართლოში გაასაჩივროს.
აღსანიშნავია, რომ მოსკოვის ყოფილ მერზე გადაღებულ ფილმს "ნტვ"-ზე 2 ოქტომბერს უჩვენებენ.
