"დემოკრატიული მოძრაობა ერთიანი საქართველოს" ლიდერის ნინო ბურჯანაძის განცხადებით, მისი გუნდი ყველაფერს გააკეთებს, რომ ის პრინციპები იქნას მიღწეული, რაც წარმომადგენლობით სახალხო კრებაზე დასახელდა.
"დღევანდელ ღონისძიებაზე არ ყოფილა პოლიტიკური გამოსვლები და არც ერთი პოლიტიკური პარტია არ გამოსულა. შეკრებილმა საზოგადოებამ თავისი გულისტკივილი გამოხატა და აღნიშნა, რა პრობლემები აწუხებს. ამიტომ მივმართავთ ყველას, ვისაც სამშობლოს ბედი აწუხებს და მისაღებია ის პრიორიტეტები, რაც წარმომადგენლობით სახალხო კრებაზე დაისვა, შემოგვიერთდეს და ჩვენთან ერთად დაიცვას ქვეყნის ღირსება", _ აღნიშნა ბურჯანაძემ.
მისი თქმით, დემოკრატიული მოძრაობა ყველაფერს გააკეთებს, რომ ყველა ის პრინციპი იქნას დაცული, რომელიც დღევანდელ ღონისძიებაზე გამოიკვეთა.
