"წარმომადგენლობითი სახალხო კრების" სახელით საქართველოს თეატრის მოღვაწეთა კავშირის თავჯდომარემ გოგი ქავთარაძემ ოპოზიციური პარტიების მიმართ სპეციალური განცხადება გააკეთა.
"წარმომადგენლობითი სახალხო კრების" მხარდამჭერთა გაფართოებული სხდომის მომზადებაში მოვუწოდებთ, რომ ყველა ოპოზიცურმა პოლიტიკურმა პარტიამ მიღოს მონაწილეობა და მიუხედავად "ეროვნული ფორუმის" და "ჩვენი საქართველოს" უარის თქმისა, ჩვენი კარი მათთვის კვლავ ღიაა და იმედს გამოვთქვავ რომ ისინი ამ გადაწყვეტილებას მიიღებენ", - განაცხადა ქავთარაძემ.
მისი თქმით, თავდაპირველად, როდესაც საუბარი იყო "წარმომადგენლობითი სახალხო კრების" მხარდამჭერთა გაფართოებული სხდომის ჩატარებისა, ამ იდეას ოპოზიციური პარტიები მიესალმნენ. მათ შორის "ლეიბორისტული პარტია", "ეროვნული ფორუმი", "ჩვენი საქართველო - თავისუფალი დემოკრატები", "დაიცავი საქართველო" და "დემოკრატიული მოძრაობა".
თუმცა მათთვის გაუგებარი მიზეზის გამო, "წარმომადგენლობითი სახალხო კრების" მხარდამჭერთა გაფართოებულ სხდომაზე მონაწილეობის მიღებაზე უარი განაცხადეს "ეროვნულმა ფორუმმა" და "ჩვენი საქართველოს" წარმომადგენლებმა.
მან "წარმომადგენლობითი სახალხო კრების" მხარდამჭერთა გაფართოებული სხდომაზე დამსწრე საზოგადოებას ლეიბორისტული პარტიის ლიდერის შალვა ნათელაშვილის წერილიც გააცნო, სადაც ნათელაშვილი აღნიშნავს, რომ იგი სახალხო კრების ჩატარების ინიციატივას უერთდება და მხარს უჭერს.
