სახალხო კრება საქართველოში მოქმედ ხელისუფლებას არ შეეგუება, _ ეს განცხადება წარმომადგენლობითი სახალხო კრების წევრმა ნონა გაფრინდაშვილმა ფილარმონიაში გამართულ "წარმომადგენლობითი სახალხო კრების" მხარდამჭერთა დარბაზის გაფართოებულ სხდომაზე განაცხადა.
მან ყურადღება ქვეყანაში არსებულ რამდენიმე პრობლემაზე გაამახვილა და დასძინა, რომ "მილიონები, რეალური საქმის კეთების ნაცვლად პიარ აქციებში იხარჯება. საქართველოში მოხდა ასაკობრივი ნიშნით ადამიანების დაყოფა. პროფეციონალიზმი განზე გაწიეს და უვიცებს მისცეს გზა. იმ ქვეყანაში რომელშიც პოლიცია პოლიტიკური დაკვეთების შემსრულებელია, არ შეიძლება თავისუფალი სასამართლო იყოს. ჩვენ ამ ყველაფერს არ შევეგუებით", - განაცხადა გაფრინდაშვილმა.
მან აღნიშნა, რომ წარმომადგენლობით სახალხო კრებას საქართველოს ყველა რეგიონიდან უნდა ჰყავდეს დელეგატები, რომლებიც საკუთარი რაიონის პრობლემას კრებამდე მოიტანენ. ხოლო წარმომადგენლებითი კრების უმთავრესი ამოცანა კი მათი პრობლემების გადაჭრის გზების მოძიება იქნება.
"სადაც ერთობაა იქ გამარჯვებაცაა", - აღნიშნა გაფრინდაშვილმა.
