დღეს, 29 სექტემბერს, სამდღიანი კონფერენცია თემაზე "ხარისხის უზრუნველყოფა უმაღლეს/ბოლონიის რეფორმა" გაიხსნება.
როგორც "ჯი-ეიჩ-ენს" გერმანიის საელჩოდან აცნობეს, კონფერენციაში მონაწილეობას მიიღებს სომხეთის, აზერბაიჯანის, საქართველოსა და გერმანიის უმაღლეს სასწავლებელთა და საგანმანათლებლო უწყებათა 50-მდე წარმომადგენელი.
კონფერენცია იმართება გერმანიის აკადემიური გაცვლის სამსახურის (DAAD) ორგანიზებით, როლიც წარმოადგენს გერმანიის უნივერსიტეტების გაერთიანებას, რომელიც სტუდენტებისა და მეცნიერების დახმარების გზით მიზნად ისახავს საზღვარგარეთის ქვეყნებთან აკადემიური გაცვლითი ურთიერთობების ხელშეწყობას.
კონფერენციას სასტუმრო "ამბასადორი" მასპინძლობს.
DAAD ყოველწლიურად ინდივიდუალურ სტიპენდიას გასცემს როგორც უცხოელ ისე გერმანიის მოქალაქეებზე და ამ მაჩვენებლით მსოფლიოს უდიდეს ფონდად ითვლება.
საქართველოში DAAD წარმოდგენილია სამი ლექტორის სახით, რომელთაგან ორი თბილისში, ერთი კი ქუთაისსა და ბათუმში მოღვაწეობს.