კვენტინ ტარანტინოს ფილმების მონტაჟის რეჟისორი, "ოსკარზე" ნომინირებული სალი მენკი ლოს ანჯელესის ერთ-ერთ დასასვენებელ პარკში მკვდარი იპოვეს. მის ცხედარს რამდენიმე საათის განმავლობაში ეძებდნენ, სამძებრო სამუშაოებში ვერტმფრენიც იყო ჩართული.
არსებული ინფორმაციით, 57 წლის მონტაჟის რეჟისორი, საკუთარ მეგობართან ერთად, პარკში ძაღლს ასეირნებდა მისივე თქმით, მენკი მას მოულოდნელად გამოეყო და ამის შემდეგ აღარ გამოჩენილა.
აღსანიშნავია, რომ შემთხვევა ლოს ანჯელესში მაშინ მოხდა, როდესაც კალიფორნიის შტატში ჰაერის რეკორდულად მაღალი ტემპერატურა (45 გრადუსი ცელსიუსი) ფიქსირდებოდა. შესაძლოა, მენკის გარდაცვალების მიზეზი გულის უკმარისო ყოფილიყო. ძალადობის კვალი კი ოსკაროსან კინემატოგოგრაფისტს სხეულზე არ აღენიშნებოდა.
ცნობისათვის: სალი მენკი კვენტინ ტარანტინოს გახმაურებულ ფილმებს ამონტაჟებდა. ფილმებისთვის "უსახელო ნაბიჭვრები" და "მაკულატურა"' მენკი თავის დროზე "ოსკარზეც" იყო წარდგენილი, საუკეთესო მონტაჟის ნომინაციაში. მენკის დამონტაჟებულია "სიკვდილის მტკიცებულება", "მოკალი ბილი", "მოკალი ბილი 2", "ჯეკი ბრაუნი" და "რეზერვუარის ძაღლები".
