ირანის ხელისუფლებამ ბლოგერ ჰოსეინ დერახშანს 19 წლით თავისუფლების აღკეთა მიუსაჯეს - მას ბრალად "ანტისახელმწიფოებრივი აქტიურობა" ედება.
"ბი-ბი-სის" ინფორმაციით, ბლოგერი "ირანის რეჟიმის წინააღმდეგ პროპაგანდას ეწეოდა" და "მტრულად განწყობილ სახელმწიფოებთან თანამშრომლობდა".
დერახშანი ირანში ბლოგერობის ფუძემდებლად ითვლება, მან თავისი საქმიანობა 2001 წელს დაიწყო, მაშინ როდესაც ტორონტოში უნივერსიტეტში სწავლობდა.
თავის პირველ ბლოგებში ჰოსეინი აკრიტიკებდა ირანის პოლიტიკურ და რელიგიურ მმართველ წრეებს, მიესალმებოდა დემოკრატიული რეფორმების გატარებას. ასეთი საქმიანობა კი ხელისუფლებას შეუმჩნეველი არ დარჩენია.
2004 წელს ირანის ხელისუფლებამ დერახშანის ბლოგის ხელმისაწვდომობა დაბლოკა, ხოლო 2008 წელს ბლოგერი თეირანში თავისი მშობლების სახლში დააპატიმრეს. ამასთან ერთად არსებობდა ინფორმაცია იმის შესახებ, რომ ირანში დაბრუნებისთანავე მან ხელისუფლებიდან მიიღო პირობა იმისა, რომ მას ხელს არ ახლებდნენ. სწორედ ამ დროიდან იგი ციხეში იმყოფება.