სააგენტოს წყარო ირწმუნება, რომ რუსი ჟურნალისტები მართალია, პრემიერის პირად ცხოვრებაში მომხდარი სასიამოვნო ცვლილებების საქმის კურსში არიან, მაგრამ რატომღაც ამის შესახებ ინფორმაციის გავრცელებისგან ყველა თავს იკავებს.

ზოგიერთები იმასაც აცხადებენ, რომ გარკვეული დროის შემდეგ ეს ქორწინება პუტინმა შესაძლოა წინასაარჩევნო საინფორმაციო კამპანიის მნიშვნელოვან ელემენტად აქციოს _ "შინაგანად თავისუფალი ლიდერი გასაკუთრებულ სიმპატიას ახალგაზრდებში მოიპოვებს. მათ კი საკუთარი ოჯახის წევრებზე გავლენის მოხდენა ადვილად შეეძლებათ"

რაც შეეხება ჯვრისწერის ადგილის შერჩევას, ვალდაის ტბაზე გაშენებული მონასტერი ერთ-ერთ უძველესია რუსეთში. ნოვგოროდის ეპარქიაში მდებარე ტაძარი რომელიც ბოლშევიკებმა 1927 წელს დაკეტეს 1991 წელს რუსეთის იმდროინდელი პატრიაქის ალექსი _II-ის, სხვა მღვდელმსახურთა და საერო პირთა ზალისხმევით რუსეთის ეკლესიას გადაეცა. 1995 წლიდან კი აქ სამონასტრო ცხოვრება აღსდგა.

"ჯი-ეიჩ-ენის" წყაროს ინფორმაციით ვლადიმერ პუტინისთვის მონასტერი უცხო ადგილი არაა.

"2008 წლის იანვარში პუტინი მონასტერში მოსკოვისა და სრულიად რუსეთის პატრიარქთან ერთად იმყოფებოდა. მას საკმაოდ კარგი ურთიერთობა აქვს მონასტრის წინამღვართან, არქიმანდრიტ ეფრემთან", _ განუცხადა "ჯი-ეიჩ-ენს" წყარომ.

მისვე თქმით, სწორედ არქიმანდრიტმა ეფრემმა პატრიაქ კირილის კურთხევით დაწერა ჯვარი პრემიერსა და მის რჩეულს.

"ჯი-ეიჩ-ენის" წყარო ამ მოვლენას პირადად ვალდაიში შეესწრო. მისი ინფორმაციით, ჯვრისწერა შეძლებისდაგვარად საიდუმლო ვითარებაში მიმდინარეობდა. თუმცა მოსახლეობასა და მონასტრის მომლოცველებში კითხვები გადაკეტილმა გზებმა გააჩინა.

მონასტრის ერთ-ერთმა მღვდელმა მრევლს გზების გადაკეტვის მიზეზად პრემიერის მიმდინარე ჯვრისწერა დაუსახელა.

ჯერ-ჯერობით უცნობია როდის გააფორმებს ელიტარული წყვილი სამოქალაქო ქორწინებას, თუ უკვე გაფორმებული არ აქვთ, მაგრამ ფაქტია, რომ ვლადიმერ ვლადიმერის ძემ თავისი კავშირი ზეცაში გაამყარა.