პრეზიდენტის ადმინისტრაციაში საქართველოს პრეზიდენტის მიხეილ სააკაშვილის გაეროში ვიზიტი შეაფასეს. როგორც დღეს გამართულ ბრიფინგზე პარეზიდენტის პრეს-სპიკერმა მანანა მანჯგალაძემ განაცხადა, პრეზიდენტი გაეროს გენერალური ასამბლეის ფარგლებში შეხვდა აშშ-ის სახელმწიფო მდივანს, ფინეთის, ლიტვის, ხორვატიის, ყირგიზეთის, ჰონდორასის და სხვა ქვეყნების პირველ პირებს, ასევე შეხვედრები გამართა ევროკომისრებთან და ბიზნესწრეებთან.
"განსაკუთრებით მნიშვნელოვანია პრეზიდენტის შეხვედრა ათასწლეულის პროგრამის ხელმძღვანელთან დენიელ იოჰანესთან, სადაც მხარეებმა საქართველოში როგორც განხორციელებული პროექტები ასევე სამომავლოდ დაგეგმილი პროექტები განიხილეს. ასევე მინდა გამოვყო ამერიკელ მილიარდელთან რონალდ ტრამპთან პრეზიდენტის შეხვედრა. რომლის დროსაც გადაწყდა რომ ტრამპი საქართველოში შემოვა", - აღნიშნა მანჯგალაძემ. მისივე თქმით, ამერიკელი მილიარდელი თავდაპირველად ინვესტიციებს თბილისსა და ბათუმში განახორციელებს. სხვა პროექტებზე მუშაობა მიმდინარეობს.
"საქართველო იქნება პირველი ქვეყანა აღმოსავლეთ ევროპაში, სადაც ტრამპი ინვესტიციებს ჩადებს. ამასათან დაკავშირებით პირველი შეხვედრები გაზაფხულზე გაიმართა, ივნისში კი მისი წარმომადგენლები თბილისსში და ბათუმში იმყოფებოდნენ", - განაცხადა მანანა მანჯგალაძემ.
