მოსკოვში რუსმა სამართალდამცავებმა ქართველი ე.წ. კანონიერი ქურდი სულიკო შარიქაძე დააკავეს. ინფორმაციას ამის შესახებ რუსული მედია ავრცელებს.
რუსეთის შს სამინისტროს მოსკოვის მთავარი სამმართველოს ინფორმაციით, სავარაუდოდ 1973 წელს დაბადებული სულიკო შარიქაძე მოსკოვში მოქმედ კრიმინალურ დაჯგუფებას ხელმძღვანელობდა. მათივე ინფორმაციით, დაკავებისას შარიქაძეს 1,5 გრ. ჰეროინი და ყალბი პასპორტი აღმოაჩნდა.
რუსული მედია ასევე იუწყება, რომ სულიკო შარიქაძე დაკავების შემდეგ მოსკოვის #1 საგამოძიებო იზოლატორში "მოსკოვსკაია ტიშინაშია" გადაყვანილი. მის მიმართ, ჯერ ჯერობის ორი მუხლით აღძრულია სისხლის სამართლის საქმე - ნარკოტიკების უკანონო ბრუნვა და ყალბი საბუთების გამოყენება. მიმდინარეობს გამოძიება.
