აშშ იმედგაცრუებულია ისრაელის გადაწყვეტილებით, რომლის მიხედვითაც ისრაელი არ ახანგრძლივებს ათთვიან მორატორიუმს და იერუსალიმსა და მდინარე იორდანეს დასვლეთ სანაპიროზე დასახლებების მშენებლობას ანახლებს. აშშ-მა რეგიონში ჯორჯ მიტჩელი, ახალო აღმოსავლეთში შტატების საგანგებო დესპანი. გაგზავნა. მას დაევალა, არ დაუშვას დაპირისპირებულ მხარეებს შორის პირდაპირი მოლპარაკებების პროცესის ჩაშლა.
პალესტინის ლიდერმა მაჰმუდ აბასმა პრესის წარმომადგენლებთან საუბარში განაცხადა, რომ პალესტინა ისრაელის ქმედებაზე რეაგირებას მხოლოდ მას შემდეგ მოახდენს, რაც იგი ქაიროში, არაბული ქვეყნების ლიდერებს შეხვდება. აღნიშნული შეხვედრა ეგვიპტის დედაქალაქში მომდენო კვირის ორშაბათს გაიმართება. კვირას პალესტინის პრეზიდენტი აცხადებდა, რომ იმ შემთხვევაში, თუ ისრაელი მორატორიუმს არ გააგრძელებდა, მოლაპარაკებების პროცესი დროის კარგვად იქცეოდა.
ისრაელის გადაწყვეტყილებაზე საკუთარი უკმაყოფილება გაერომ და ევროკავშირმაც გამოხატეს. გაეროს გენერალურმა მდივანმა პან გი მუნმა ისრაელის ქმედებას "პროვოკაციული" უწოდა.
პალესტინის და მსოფლიო ლიდერების პრეტენზიებს ისრაელის საგრეო საქმეთა მინისტრმა ავიგდორ ლებერმანმა უპასუხა. მისი თქმით, 10 თვის წინ ისრაელმა ცალმხრივად გადადგა კეთილი ნების გამომხატველი ნაბიჯი, როდესაც დასახლებების მშენებლობაზე ათთვიანი მორატორიუმი დააწესა. თუმცა, დიპლომატის განცხადებით, პალესტინელებმა ისრაელის ეს ნაბიჯი ვერ გააცნობიერეს და ყალბად აღიქვეს.
"როგორც ჩანს, პალესტინელები დროს კარგავდნენ და მათი ისრაელის ჟესტი, რომელიც მხოლოდ კეთილი ნების გამომხატველი იყო, ყალბად აღიქვეს. ეს არასეიოზულია", - განაცხადა ისრაელის საგარეო საქმეთა მინისტრმა.
შეგახსენებთ, რომ მდინარე იორდანეს დასავლეთ სანაპიროზე ისრაელის მიერ დაწესებულ ათთვიან მორატორიუმს, რომელიც მშენებლობების შეწყვეტას ითვალისწინებდა, ვადა ორშაბათს, 27 სექტემბერს გაუვიდა
