დღეს, 28 სექტემბერს, საქართველოს ფინანსთა მინისტრის კახა ბაინდურაშვილი თურქეთში ვიზიტის ფარგლებში ქალაქ ანკარაში შეხვდება თურქეთის სახელმწიფო მინისტრ ჰაიათ იაზიჯის (იგი კურირებს საბაჟო საკითხებს) და თურქეთის ტრანსპორტის მინისტრს ბინალი ილდირიმის.
შეხვედრებზე განიხილება საქართველოსა და თურქეთს შორის ორმხრივი ურთიერთობების განვითარების საკითხები, მათ შორის, საბაჟო-გამშვები პუნქტების („ვალე," „სარფი," „კარწახი") სარეაბილიტაციო სამუშაოების მიმდინარეობის პროცესი, ასევე თურქეთთან ერთად საბაჟო-გამშვები პუნქტების ერთობლივად მართვის საკითხები.
29 სექტემბერს კახა ბაინდურაშვილი სტამბოლში შეუერთდება პრემიერ-მინისტრის ნიკა გილაურის ხელმძღვანელობით ჩასულ საქართველოს სამთავრობო დელეგაციას. ვიზიტის ფარგლებში პრემიერ-მინისტრი და ქართული დელეგაციის წევრები შეხვდებიან თურქეთის პრემიერ-მინისტრს რეჯიფ თაიფ ერდოღანს. გარდა ამისა, დელეგაციის წევრები მონაწილეობას მიიღებენ შავი ზღვის ატლანტიკური საბჭოს ენერგეტიკული და ეკონომიკური ფორუმის მუშაობაში. იმავე დღეს დაგეგმილია შეხვედრა თურქ ბიზესმენებთან, რომელზედაც განიხილება საქართველო-თურქეთს შორის სავაჭრო და ეკონომიკური ურთიერთობების ინტენსიფიკაციის საკითხები.
კახა ბაინდურაშვილი თურქეთში ოთხდღიანი სამუშაო ვიზიტით 27 სექტეკბერს გაემგზავრა და 30 სექტემბერს დაბრუნდება