27 ივლისს, 14:00 საათზე, კოჯორში, ქართულ ჭიდაობაში გურამ თუშიშვილის სახელობის ტურნირი ჩატარდება. ღონისძიების ორგანიზატორია მთაწმინდის რაიონის გამგეობა.
საჭიდაო არენაზე ორთაბრძოლა ოთხი წონითი კატეგორიის ფალავნებს შორის გაიმართება. ტურნირში, ასევე, მონაწილეობას მიიღებს შვედი ძიუდოისტი ნოა სვონლინგი. ღონისძიებას დაესწრება თავად მსოფლიო ჩემპიონი გურამ თუშიშვილი, ქართველი ფალავნები, ასევე, გამგეობისა და ჭიდაობის ფედერაციის წარმომადგენლები. ღონისძიების დაწყებამდე, სპეციალურად მოწყობილ გასართობ სივრცეში, გულშემატკივრებისთვის დიჯეი დაუკრავს.
